الجمعة، سبتمبر 09، 2016

حزن وحنين


حزن وحنين
تجتاحني نوبة حزن دوريا, تلقيني بين دفتي بدر شاكر السياب ومظفر النواب, الحزن العراقي على وجعه يدفئني, كأن للعراق حقيقة معنى الحزن رغم كل الجمال الذي فيه, لكنه جمال مولع بالحزن والحنين.
قصيدة زرازير البراري لمظفر النواب:
حن وآنا حن
و انحبس ونّة ونمتحن
مرخوص بس كت الدمع
شرط الدمع حد الجفن
...
جفنك جنح فراشة غض
و احجاره جفني و ما غمض
يال التمشي بيا ويا النبض
روحي على روحك تنسحن
حن بويه حن
حن عمي حن ...
..
عيونك زرازير البراري
بكل فرحها بكل نشاط
جناحها بعالي السحر
و الروح مني عوسجة بر
ما وصل ليها الندى
و لا جاسها بقطرة المطر
وصفولي عنك يالنباعي تفيض
و تعليت ليلة ويا القمر
وصفولي عنك كل مسامة تفيض منك عطر
يالحسنك نهر..
تنزل بصدري ويا النفس
و بدمي غصبن تنعجن
و أشهق و اصعدك للسما
بحسرات و بعنّة حزن
حن.. حن بوي حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هي دفو ولا هي برد
أنا بوصفها راح اجن
حن بوي حن
***************
سكتاتك تشكل خواطر بالقلب ...
مالي عرف بيهم كبل
مبروم برم الخياط يا ريان
و الخوصر خصر لف العقل
كل كلمة منك ...
نبعة البردين .. بالدلال ...
ما تحمل ثكل
وصفولي عنك
وردة من قداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حنو طواريز ولحن ...
و حنة حمامات السجن
حنة إلي ...
و حنة إلك ...
واللي يعجبه خلي يحن
حن بويه حن
*************
آنه من أشوفك
يمتلي الماضي الجدب
زهرات بيض من الوفه
وروحي سواجي من الحنين تصير
وأتنبه وكت بيها غفه
يا محجل إن مريت بيه ردود
أرد أردود بالعشرين ....
من عمر الجفه
وأنصف عمر منك
فما أنصفت إلا بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك دوم يحن
حن ...
وآنه حن
وأنحبس ونه ...
ونمتحن
مجبور أرخصك على الدمع
شرط الدمع حد الجفن
ربما تحتوي الصورة على: ‏‏‏سماء‏، ‏طائر‏‏ و‏في الهواء الطلق‏‏

ليست هناك تعليقات:

ألبوم الصور